El Sindicatu d'Inquilinos llama a participar na manifestación pola vivienda del 5 d'abril      

El colectivu pide a tolos afectaos que se reorganicen

El Sindicatu d’Inquilinos llama a movilizase pola vivienda’l 5 d’abril viniente. Ye una convocatoria d’ámbitu estatal.

N’Asturies la manifestación sedrá en Xixón. La marcha saldrá a les 12:30 de la plaza de L’Humedal.

Pa esti colectivu, una de les entidaes convocantes, el problema de la vivienda ye interseccional y afecta a tola sociedá. Por eso piden que se reorganicen tolos afectaos.

Esta tarde xuntaron n’Uviéu a afectaos de bloques de la Sareb y AVN, ente otros, pa conocer los sos casos y camudar esperiencies.